گابا کُݙے کِلّے دی تَݙ تے
گابے موڑدے تاں گھر کیوں چھوڑدے
گِدَڑ دی ماری شِین٘ہہ نئیں کھاندے
گُذر ڳئی گُذراݨ، کیا جُھپڑی کیا مکان
گُل ڳئے، گُلشن ڳئے باقی دھتُورے رہ ڳئے
امب ڳئے، انار ڳئے، باقی لسُوڑے رء ڳئے
گِندیاں ءِچ لعل نئیں لُـکدے
گُنگی پیکیں ڳئی نہ ڳئی، ہِکو ڄہی
گُنگے دے اِشارےگُنگے دی ماء ڄاݨے
گھاہی کھاہ مریندا تَھکا، گھاہ ساوے دا ساوا
گھر چَھپری، مال ٻکری، پُتر اوہو ڄیہڑا
ویلے سِر پَکری
گھر دی ادھی، ٻاہر دی ساری
گھر ءِچ ݙانگ نئیں، میݙی بندُوخ گِھن آؤ
گھرُوں ون٘ڄو بُکھے، اڳُوں مِلن دِھکے
(اِیہو) گھڑا نِت کُھوہ تے کھڑا
( اُلٹا ) گِھنَݨ دے ݙیوݨے پئے ڳئے
گِھیو بݨائے بھاڄی، وَݙی نون٘ہہ دا ناں
گھڑی دی وِتھ، کوہاں دے پندھ