کیوں شام کوں ٻیڑی ٹِھلدی پئی کر دھائیں دھائیں آدھی رھی آں
ذرا ٻیڑی جھل ھِک دھاں میݙی ھِے، تیں تائیں ، آدھی رھی آں
میکوں بَھنورے وانگوں بھئوں آ ڳئے کر بھائیں بھائیں آدھی رھی آں
او طارق ٻیڑی ٹھیلی ڳئے میں سائیں سائیں آدھی رھی آں
کالی رات اݨ ڄاݨ مُہاݨا ھِے، ایݙو ساوݨ دا دریا ھِے
کوئی ڳالھ سمجھ وِچ نہیں آندی ݙیکھاں بَݨدے کیا دریا ھِے
اے واڄے وَڄدی جَنڄ منگدے،کر معاف خُدا دریا ھِے
میݙا طارق جانی جِند میݙی ، میݙی جِند بچوا ، دریا ھِے
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭