نازک نازو ڄَٹـیاں
راتِیـں کَرِن شِکار دِلیں دے
ـ ݙینہاں ولوڑن مَٹیاں
ـ ڳُجھڑے تِـیر چلاوِن کاری
سَے سَے دِلڑیاں پَھٹیاں
کر کر درد مَنداں کُوں زخمی
ھَے ھَے ٻَدِھن نہ پَٹیاں
چھیڑن بھیݙاں ٻکریاں ڳائیں
لیلے گابے کَٹـیاں
کئی مسکین مُسافِر پھاتھے
چَوڑ کِیتونے تَـرَٹیاں
دُھوئیں دار فقِـیر تھیوسے
فَخر وَݙائیاں سَٹیاں
ھِیوں دِلبر دے کُتـڑے دَر دے
بِرھُوں پیاں ڳل ڳٹـیاں
مُون٘جھ فــریــد مزید ھمیشہ
اَڄ کل خوشیاں گَھٹیاں
*********************