ہَر پاسے بے رحم صلیباں،ہَر پاسے اَݨ سُون٘ہے لوک
میݙے چار چودھارءِن اُسریاں،میݙی بے وَسی دیاں کَںدھاں
میں ڄَیں پاسے دید بھوینداں،مَوت دی کالی چادر ݙِیہداں
چُپ دا تار سمندر ݙِیہداں
میں ھاں چِیر تیں سَݙ مَرین٘داں،کہیں پاسوں آواز نئیں آندی
میݙے دُشمݨ میݙے ڄائے،میݙے دُشمݨ حق ھمسائے
میکوں آہدِن تُوں مُجرم ہئیں،کالی گُھپ انھاری راتءِچ
تُوں ماچِس دی تِیلی تیں، سِگرٹ لین٘دیں
تُوں عیسیٰ ایں