اے کم ھِن سَـئیں لَڄپالاں دے
وَٹے جھلݨے پئے ھِن ٻالاں دے
ساݙی غلطی ھئی اَساں بُھل ڳئے ھَیں
ایویں ڳَلیاں دے وِچ رُل ڳئے ھَیں
اَساں تھی اَصلُوں بے مُل ڳئے ھَیں
ھَتھیں آ ڳئے ھیں جَتوالاں دے
بَھــر جام زَھر دا پـیـتـا ھا
جَݙاں پیار دا سودا کِـیـتا ھا
اَڳُوں یار تَھـݙؤں بَد نِـیـتا ھا
گھاٹے کھاڳئے ھِن بَھئیوالاں دے
ـ ڳئے مَجنُـوں رُل صحرانواں وِچ
کئی رانجھے پیار دیاں راھواں وِچ
ـ ڳئیاں سوھݨـیـاں ٻُݙ دریاواں وِچ
تھی حَـشـر ڳئے مَہیـنـوالاں دے
٭٭٭٭٭٭٭٭٭٭٭٭٭٭٭٭٭٭٭٭