دَم دَم آ ل بَھن٘والیاں، ساکوں آ ل بَھن٘والیاں
مست و مست بَھن٘والیاں،حال وحال بَھن٘والیاں
رَوضہ رَوضہ پَیندیاں، آوِن کُونجاں پھیرے
کُونجاں نال اینویں کھاندے آوِن ٻال بَھن٘والیاں
ہَر ویلے کوئی بھوئیں اپݨی دے نال تماشا
ہَر ویلے کوئی سِندھ ساگر دے نال بَھن٘والیاں
پیراں نال اے پاݨی بَھن٘ور بَݨیندے آوِن
نال ہـوا دے پَیندی آوے سالھ بَھنوالیاں
مَن اپݨے کوں خالی کر کے،خالی کرکے
نِیل و نِیل بَھن٘والیاں،لال و لال بَھن٘والیاں