حادثے دا شِکار تھی کھڑدیٔن           قتل تِھیوݨ تے تیار تھی کھڑدیٔن           میݙی مَستک دے ھیٹھ ݙُو صِفریں           تُوں ٹَکردیں تاں چار تھی کھڑدیٔن        

  سَبھے دَر بھر سڳے جیڑھا             حیاتی ھر سڳے جیڑھا               اُوھو خادم اَمـر تِھیندے             مُحبت کر سڳے جیڑھا  

  بے شک رزق اَنند نہ تِھیوے         جُھپڑی،کوٹ بُلند،نہ تِھیوے         خادِم اَکھ دے بند تِھیوݨ تائیں         تانگھ دی طاقی بند نہ تِھیوے

  سَئیں دے نَیناں تے دِید کر گِھنسوں         خواب کوئی خرید کر گِھنسوں         روزے مُکسن تے عِید آ ویسی         چَن ݙِٹھوسے تاں عِید کر گِھنسوں              

  کہیں قد آور نال تَاہـُوں،دوستی نئیں تھی سڳی       سِر تے پَڳ دا بار آڳئے،قد اُچی نئیں تھی سڳی       ڈھیر سارے دوستیں ،پَٹکی لَہا کے سِر بچائے       میں کَنوں تاں معذرت جَہیں،بُزدِلی نئیں تھی سڳی