تَرے سال بعد لِکھی ڳئی ڄَݙݨ وچھا جوان  تھیا

***************************************

افضل خان دا مارھا وَچھا تَرھَڑ تِرھاݨ ، مَڑیچا

کوئی پنجاہ کوئی سَو تُوں آکھے،افضل مارھا ݙے چا

افضل آکھے مارھے یار دا ، سَو پنجاہ وَت ھِے کیا

اڄاں تاں، میں وَھَڑ کُوں ݙینداں محض پنجالی خالی

پاند الاوَݨ مُول نئیں ݙیندا مارھا مَست موالی

ـ ڳالھ کرینداں توڑیں گِھندے،سَوسَو مار بَھن٘والی

اڄاں تاں میکُوں،نال وَھَڑ دے زور تاں لاوَݨ ݙیوو

گُھنگلُوں مَٹَر کھادے نِس،ھُݨ چھولے کھاوݨ ݙیوو

کَݨک دے سِٹے گُھنڈر کھا کے ماس تاں چاوَݨ ݙیوو

تھل دے پِتے موٹھ کَھویساں،ساوَݨ آوَݨ ݙیوو

اَسو کَتیں،مارھے یار کُوں جوڑ سَن٘وار ݙِکَھیساں

ـ ڳل حَمیل متھیل مَتھے دی ھار سِنگار پَویساں

گُھن٘گھرُو تے کَچکوݙیاں دُھر مُلتان کنوں منگوَیساں

مُلتان اِیندے سامان دی خاطر آپ وی لڳا وَیساں

**************************************

Be first to comment this article

Only registered users can write comments.
Please login or register.