|
واہ جو پیار کِتوئی رول ݙِتوئی وِچ روھی
واہ وو سڄݨ تیݙے وعدے
ـ ݙے کے وِچھوڑا ماہی کر ڳئیں کِنارے
جِیواں تاں جِیواں ہُݨ کَیندے سہارے
میکُوں نہ نال نِتوئی، رول ݙِتوئی وِچ روھی
ـ ݙے کے وِچھوڑا ماہی تھی ڳِئیوں روانہ
طعنے مَریندَۓ میکُوں اپݨا بیگانہ
میہݨاں وات ݙِتوئی، رول ݙِتوئی وِچ روھی
ـ ݙے کے وِچھوڑا ماہی کِیتی ڳٔے بھولا
بَھڄ وَن٘ڄ وُئے قاصِد،میݙے ڈھولݨ کُوں ڳولآ
قاصِدا دیـر کِتوئی، رول ݙِتوئی وِچ روھی
ـ ݙے کے وِچھوڑا ماہی ٹُـر ڳِئیوں دُور اے
ـ ݙَسی تاں ویندا میݙا کیہڑا قصور اے
ـ ݙُکھاں دے نال سَتوئی، رول ݙِتوئی وِچ روھی
ـ ݙے کے وِچھوڑا ماہی کِیتا کَـمال اے
نِوہی چا پُچھا آکے شــاکِــر داحال اے
ایجھی چا دِلـڑی چَـتوئی، رول ݙِتوئی وِچ روھی
 Add as favourites (8) |  Quote this article on your site
Only registered users can write comments.
Please login or register. |
Poetry 
