بَݨدی نئیں میݙے خواب دی

ویہلے دے وَر جُوٹھے دے نال

میں نِم دی شادی کیا کراں

تُلسی دے کہیں ٻُوٹے دے نال

خُوشبو پُراݨے ہار دی

گُذری دی کہیں شَکل جَہیں

ـ ݙیندی ھِے اَدھی رات کوں

قبریں کنوں ھَکل جَہیں

کُجھ ݙینہہ اَڄاں پَرؐہ اُتیں

ـ ٻاٹݨ وی مَل،کافُور وی

ساوَݨ سڳݨ نیڑے وی  ھِے

ساوݨ سڳݨ ٻہوں دُور وی

Be first to comment this article

Only registered users can write comments.
Please login or register.