جِیوݨ جوکھ دے رَستے رُلدیں،وَرہیوں گُزرین،لَحظہ سُکھ دا پلّے نئیں پِیا

ینہہ کوں جھورے بھوڳ سَن٘بھلدوں،سِر تے کالی راتݙ

ہے ناں ڄیندی پربھات،وَںکووَن دیاں سِٹیاں مارے،گھرگھروِچ چِٻریاں چِرکاوے

خَوف تُوں کہیں کوں نِن٘درناں آوے،ہَر پاسے چُپ چاپ

   ر تُوں ڄے کوئی کَہیں کوں سَݙے،اَپݨی وَحشت ٹالَݨ کیتےݙ

ہِک ٻَے دا مُںہہ ݙیکھݨ کیتے،ہَرکہیں اَپݨے اَپݨے مُںہہ تے ݙِیوے ٻالے

بَھل ایں اندھی رات وِچالے،ہَتھ کوں ہَتھ نئیں سُجھدا

ہُݨ اے ݙیوے، ایویں لَڳدن،ڄیویں قَبریں ٻَلدے ہووِن

اے وی گَھٹ نئیں ٻَلدے تاں ہِن،اے وی ݙَرءِ اَکھیں ݙیوے وِسّم ناں ون٘ڄِن

ڄیویں ساݙے ݙاݙیں بابیں، ہن٘جھوں ݙے وِسمائے

کِے تائیں ،اَساں دَھرتی واسے،روندے رَہسوں

سِجھ دی ڳول ءِچ،رُلدے رَہسوں

وَحشی رات دا اندھا سِنہ چِیرَݨ کیتے،توڑے نِکے ٻالیں وان٘گر،شَمّاں ٻالوں

Be first to comment this article

Only registered users can write comments.
Please login or register.