کبوتر کِن تے ویندا پۓ

کَجل وانگوں وِگھردی ھوئی نِماشاں وِچ

اے مَنظر کِن تے ویندا پۓ

سَمَندر جھاڳدی جَھڳ دا

اے چِٹا کِھـیر جیہاں پَر

کِن تے ویندا پۓ

اے وَھندے وَیݨ مَوجیں دے

اُلَردا شور لَہریں دا

چَـلو ، دریا تاں وَھندِن

کہیں سَمَندر وَل وَنڄݨ کِیتے

سَمَندر کِن تے ویندا پۓ

پَتـہ نئیں

میݙے اندر میݙا اندر کِن تے ویندا پۓ

کبوتر کِن تے ویندا پۓ

٠٠٠٠٠٠٠٠٠٠

Be first to comment this article

Only registered users can write comments.
Please login or register.