لوکاں وانگُوں وَسدیاں جھوکاں

جھوکیں وَسدی ٻـیـر

سَدا سُہاڳِݨ ٻـیـر

نِت سِتـری نِت چِڑیاں چِـتـری

پُھلاں بھری چَـنـگیـر

سَدا سُہاڳِݨ ٻـیـر

نِت پَھلے نِت پَتھر جَھلے

نِت ٻـیـراں دی کـیـر

سَدا سُہاڳِݨ ٻـیـر

نِت ساکھاں نِت نَوِیاں چاکھاں

ـ ٻـیـر پِھرِن چو پھیـر

سَدا سُہاڳِݨ ٻـیـر

نِت ٻَلدی نِت لاٹ نِکلدی

سوجھل سُرت سویر

سَدا سُہاڳِݨ ٻـیـر

نِت کـیـری،نِت نِسری ٻـیـری

نِت ٻـیـراں دی گھـیـر

سَدا سُہاڳِݨ ٻـیـر

نِت بھالے نِت پیریں چھالے

نِت پـیـراں دے ٻـیـر

سَدا سُہاڳِݨ ٻـیـر

Be first to comment this article

Only registered users can write comments.
Please login or register.