ســـاہ ســن٘ــگ

جِتھ میں ڄایاں

میݙا گھر اے

جَیندے کوٹھے چَھپَر چھاندَن٘ڑ

جَیندیاں کَندھاں بھورے بھورے

جِتھاں بُکھ پِچھان٘ویں پَلدِن

اِیہو ݙاݙے بابے والا

میݙا گھر اے

اِتھاں رَھن٘دِن

میݙے رَلؐے

دِھیرِیں، بھیݨِیں

اَمڑی ، بابُل

بَھل کَہیں ویلے

ایویں لَــڳدے

اَسؐاں سارے

آ پَت دے وِچ کُجھ نئیں لَڳدے

اَسؐاں پان٘دھی راہ وسیڑُو

رستے دے آسیب تُوں ݙر کے

اپݨا ساہ بَچاوَݨ سان٘گے

ھِکی گھور اِچ 

 کَٹھے تھی ڳِیوں

§§§§§§§§§§§§§§§§§§§§§§

Be first to comment this article

Only registered users can write comments.
Please login or register.