میݙا دَستہ نرم کَرُور دا،متاں وَںگیں لڳِم ٹکور

رَتھ تے ٻَہندی دَڑَک ناں سَہندی،ھِم طبع کمزور

روز ازل دی پاتم ڳل وِچ،بِرھوں تیݙے دی ݙور

 شالا مُولھ سلامت نیواں،راہ وِچ لَڑدن چور

ڄیکر رَتھ ٻیٹھیں تَھک پوساں،گھوڑا گِھنساں بور

سوکھا،تیز،لَغام دا کُولا،ناں اَکھا سِرزور

رانجھݨ تے میں جوڑکوں جوڑوں،جوڑ جُڑیندا جوڑ

سِک تے طَلَب مِلݨ دی سینے،روز نواں ھِم شور

 پندھ اڑانگے، دِلڑی تانگے، جلد پُچاویں توڑ

میں تے یار فرید مَݨیسوں, رَل مِل شہر بھـبھور