میݙے اَندر وِچ

اے کینجَہی رو پئی گُھمدی اے

کُئی وَیرݨ مُشکِݨ نانگِݨ جہیں

میکُوں ساری رات ݙَنگین٘دی اے

وَل جُھمدی اے

اُوندے زھر کَنوں

میں انت نِساہ تھی مَر وینداں

وَل روندیں ھوئیں

میݙی لُوں لُوں کُوں ٻہہ چُمدی اے

ھَر چَڑھدے سِجھ دے نال میکُوں

کُئی رُوپ وٹانوݨاں پئے ویندے

اُونکُوں روز مَنانوݨاں پئے ویندے

وَل کہیں طرحویں وَنڄ سُمدی اے

میݙے اندر وِچ

اے کینجَہی رو پئی گُھمدی اے

Be first to comment this article

Only registered users can write comments.
Please login or register.