سَئیں فقیر نواب وَلی مُحمد لغاری ١٨٣٦ ــــــ ١٩١٦

اِنہاں دا تعلق تاجپور،سِندھ دے لغاری نواباں دے خاندان

نال ھَئی ـ چالِیھ وَرہیں دی عُمر اِچ فقیری رنگ اختیار کِیتا

شاعری تے موسیقی دا شوق ودھیک تھیا ـ وفات توں بعد

اِنہاں دے شاگِرداں تے فقیراں جنازہ یکتاراں دے ساز تے

الاپ نال کڈھا ـ تے تاجپور اِچ اُنہاں دا مقبرہ اَڄ وی محفوظ

اے ـ اُنہاں سِندھی،ہِندی،فارسی تے سرائیکی اِچ شاعری کِیتی

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

کـــــافـــی

ـ ݙیکھ اکِھیں لِکھیا لوح قلم والا،نال ماھی دے ھُݨ میں مِلیاں مِلیاں

چھوڑ میں اپݨے شاھی ٻٻاݨے ، جھوک رانجھݨ دے ڄُلیاں ڄُلیاں

پار کَھیڑاں دے مُول ناں وَیساں ، توڑے آکِھن سُون٘ہیاں ڳَلیاں ڳَلیاں

سَبھ سیالیاں غیرت والیاں ، ھِیر ھِکا میں بُھلیاں بُھلیاں

عِشق ڄِنہاں سِر مَچ مَچیندا ، سے ناں رَھِن جَھلیاں جَھلیاں

وَلـــی مُحمــــد ایں دام زُلف دے ، کَئیں قابُو کِیتیاں دِلیاں دِلیاں

بـــیـــت

آ صُورَت دِیدار ݙِکھایا ، ڄئیں وِچ غیر ناں کوئی

ـ ݙِتی عِشق مُبارک ، آکھیُس حاصل کم تِھیوئی

ـ ڄئیں ران٘جھݨ دی خاھِش تیکُوں رَب آن٘دا اِتھ سوئی

ولی مُحمد دِل کِیتا سجدہ ، چھوڑ حِجاب سَبھوئی

Be first to comment this article

Only registered users can write comments.
Please login or register.