پِپلاں دے پَت٘ر اَساں،لائیاں دے ٻُور اساں

نال دے نال اَساں دُور دی دُور اَساں

صُبح دے تارے اندر،ایں جگ سارے اندر

ھَر ویلے نال ھوندے سئیں دے حضور اساں

ـ ݙَکھݨ دی ھِیل ڄیویں ھَر جاہ لڳدی ھووے

ھَر جاہ ݙِسدا ھووے چندر دا نُور اَساں

وَسے اُروار سَڄَݨ،پھُلاں دی کار سڄݨ۔۔

فانی سَنسار اَڳُوں پار دا پُور اَساں

شام دے رَنگ وِچوں کروں رَںگ لال والا

سِندھو تیݙی سِیندھ اندر بھَروں سیندُور اَساں

Be first to comment this article

Only registered users can write comments.
Please login or register.