Koka Nak Da

Home

Koka Nak Da

ھِک پاسوں ھِے کوکا نک دا

ـ ٻٔے پاسوں ھِے پوپا چَھکدا

پوپا میݙا سونے سَن٘واں

سِک دے نال گھڑایا نَواں

موتی لسکِن سونا بکھدا

ھِک اکھ نُوٹ تے پوپا ݙیکھاں

ـ ݙیکھݨ کُوں میں ول ول وِسکاں

سوھݨے مُکھ تے لڳدا لکھ دا

شادی میل تے پوپا لان٘واں

یا جَݙ سئیں دا درشن پان٘واں

دِل دی دھـڑکن نال دھـڑکدا

٭٭٭٭٭٭٭٭٭٭٭٭٭٭٭٭٭٭

Be first to comment this article

Only registered users can write comments.
Please login or register.