میݙے بدن توں میݙا سایہ جُدا پیا تھِیندے

ـ ݙَس ڑی نُتھی نماشاں،آخِر اے کیا پیا تھِیندے

ناں وَل مِلݨ دے وعدے،ناں قول تے نہ قَسماں

میہݨیں نہ کوئی اُلانبھے،ناں الوِدائی رسماں

ھِک چُپ دی چور گُپ اِچ،پیرا فنا پیا تھِیندے

لَحظے دے بعد شام اے،رَستے وَٹیج ویسِن

اکھیاں دے خواب سارے،پَل وِچ لُٹیج ویسِن

مُجرم تاں ھِے اندھارا،سِجھ کیوں سزا پیا تھِیندے

اونویں تاں اِینہہ توں پہلے،لڑدے جھگڑدے ہاسے

ھِک ٻئے دے پیرچُم تے وَل وی نِکھڑدے ہاسے

اَڄ پہلی وار شاید سجدہ قضا پیا تھِیندے

Be first to comment this article

Only registered users can write comments.
Please login or register.