|
اِیں سنساروں پاپ چُݨیومی
کہیں نی چُݨیا آپ چُݨیومی
مَن وسائم حُسن پَـرستی
بَھل وِسریومی سَبھو ھَستی
بندہ رَب سُنڄاپ چُݨیومی
کہیں نی چُݨیا آپ چُݨیومی
دیر نہ تِھیوے شونق نہ اَٹکے
نہ کوئی ݙیکھے نہ کوئی ھَٹکے
ساہ جھݨ کے چُپ چاپ چُݨیومی
کہیں نی چُݨیا آپ چُݨیومی
آپ تُوں تھی کے آپ کَنڈِیتا
سوچ کُوں کھادم ھوش ھِم پِیتا
دِل کِیتے کرلاپ چُݨیومی
کہیں نی چُݨیا آپ چُݨیومی
*********************
 Add as favourites (8) |  Quote this article on your site
Only registered users can write comments.
Please login or register. |
Poetry 
