|
پورھیت تریمتیں دا ہِک ڳاوݨ
***********************
اساں دھمی پُھٹدا سوجھلا
اساں راتیں سنگ مِشال
اساں بھیتی بھوئیں اسمان دیاں
ساݙیاں اݙیاں ہیٹھ بُھچال
اساں وُݨـیاں تنداں پیار دِیاں
ساݙے ہَـتھیں کسب کمال
اساں راہ ازمایا شوق دا
اساں جوکھاں وِچ نِہـال
پَندھ کِیتے ہاڑھیں،ساوݨـیٔں
اساں مِـہر مُحبت پال
اساں جَـریاں بھائیں جُہل دیاں
تھیاں راضی ہـر ہِـک حال
اساں نَویں ݙینہاں دی تازگی
جھوکاں دا حُسن جمال
 Add as favourites (16) |  Quote this article on your site
Only registered users can write comments.
Please login or register. |
Poetry 
