چَن ہولی رُت رتاوڑی

چَن سئیں دا رُوپ تے رَنگ

چَن ٹِکا بھاڳ سُہاڳ دا

چَن کَٹھ مالا چَن وَنگ

چَن تَھل وِچھاوے چانݨی

چَن جنگل چھیڑے ٻَک

چَن پِڑ پِڑ جُھمر کھیݙدا

چَن پَل پَل جاگدی اَکھ

چَن ماڑی تے چَڑھ روندڑا

چَن کِھلدا ڄالیں ھیٹھ

چَن ساوݨ ڄَموں ساوݨی

چَن روھی تھل تے ٻیٹ

چَن سب رُتاں مَن بھاندڑا

چَن سئیں دا مُکھ مُہاندرا

Be first to comment this article

Only registered users can write comments.
Please login or register.