|
بُرائی جے جہِیں ہووے بُرائی مار ݙیندی اے
خُدا تاں مُعاف کَر ݙیندے خُدائی مار ݙیندی اے
جے نِیّت ٹھیک نہ ہووے نمازِ عِشق ناں نِیتو
ـ ݙِکھاوے دی ہمیشہ پارسائی مار ݙیندی اے
جفا ڄِتنی کـرے دُنیا،سَڄݨ! کِھل تے نِبھا ویسوں
نہ تِھیویں بے وفا،ڄو بے وفائی مار ݙیندی اے
سَڄݨ تُوں ڄاݨدا تاں ہِیں،ہِجر وِچ کیا حَشـر تھیندے
جُدائی ڄاݨ کے نہ ݙے،جُدائی مار ݙیندی اے
ایہہ شُہرت نام تے عِـزت خُدا دی مہربانی ہَئی
وَݙائی چھوڑ ݙے شاکـر،وَݙائی مار ݙیندی اے
 Add as favourites (8) |  Quote this article on your site
Only registered users can write comments.
Please login or register. |
Poetry 
