ـ ٻکری ٻاہن٘دی ٻـیہہ ڳئی نال اے چُلھ پتھاری دے

ـ ٻِلی وی رکھ ٻُوتھی ٻیٹھی نال مُہاڑی دے

چاڑھ تے کُناں ساڳ دا اَدھی راتیں کر

سور چُن٘واتیاں نال ڳوہیں دی ڈِھڳڑی ساری دے

ـ ٻُڈھڑی ٻُڈھڑا ڳالھ ٹُریندن ننڈھڑے چھوہر دی

سانگا اُوندا آݨ جُڑین٘دِن نال دُلاری دے

ـ ٻُڈھڑا آہدے!حِصہ بݨدے ڄو وی ناٹک دا

اُون٘کوں وی ٻس نچݨا پوندے نال مداری دے

 ـ ٻُڈھڑی آہدی،بھوپے لَبھدِن اینجھا "ٻال جمُورا"

وستی ڄو ٹھڳویندے تھی تے نال مداری دے

Be first to comment this article

Only registered users can write comments.
Please login or register.