|
بی بی دی نَذَر
1
تُوں کون ھِیں راݨی
آپ پَھٹـیڑُو ٻال مُون٘جھارے
بوچَھݨ ڳَنڈھ وِچھوڑے
سِـر تے بار سَفر دے
2
گھر گھر جُھمے، مَتھے چُمے
چُݨۓ درد اَندَر دے
عَجب تَیݙے سُگھـڑاپے
3
ٹُر ڳَئیں دے آدر پالݨے
وَت آس دے ݙِیوے ٻالݨے
تیݙے اُلّـر اُلّـر سَݙ مارݨے
ہَر ہَر دے سُکھ وِچارݨے
4
تَیݙا، سُوہا جوڑا پاوݨاں
وَت اَپݨی رَتّ اِچ دھان٘وݨاں
ہَر شَے دا رَنگ وَٹان٘وݨاں
ہِک پَل اِچ جُگ ہَنڈھان٘وݨاں
5
اَساں رمز اِیہا ھُݨ سورݨی
تَیݙے ٻُوہے خَلقت ٹورݨی
تَیݙے دَر تُوں خشبو چان٘وݨی
چُـم چُم اَکھیں تے لان٘وݨی
وَت جُمل جہان ونڈان٘وݨی
::::::::::::::::::
 Add as favourites (10) |  Quote this article on your site
Only registered users can write comments.
Please login or register. |
Poetry 
