بارشـاں دی راہ گُذر تے ،  بھـاہ مَچاوݨ چھـوڑ  ݙے

تُرؐٹے ھوئے ݙِیوے دے وِچ تُوں تیل پاوَݨ چھوڑ  ݙے

ـ ڳالھ نہ مَن مولوی دی رکھدیں ڄیکرکُجھ  شعور

نال رَب دے یاری لا گِھن خوف کھاوݨ چھوڑݙے

گور کَھٹ کئی مِیل  دی ، وِچ باغ ٻُوٹے پُھل رَھا

کَچی کُروی ریت دے کوٹھے  بَـݨـاوݨ چھوڑ ݙے

ھَر کَلی دے نال ھوندن چار ، کَنڈے وی  ضرور

دِل دے اَندر خواھشاں دےپُھل سجاوݨ چھوڑ ݙے

لِے چَڑھا کےکُـنؐے کُوں ، سُگھڑ سیاݨی نہ سَݙِیج

کوہترا تھاں مان٘ج گِھن یا ݙُدھ ڄماوݨ چھوڑ  ݙے

چاھندیں شاکِـر تُوں وی جیکرشاعری دیوِچ مقام

ـ ٹُر فریدݨ والے دَگ تے ،کُوڑ ڳاوݨ چھوڑ  ݙے

Be first to comment this article

Only registered users can write comments.
Please login or register.