|
اَساں کَنڈُوراݨے کںڈ تے سِجھ کوں چا تے ٹُردوں
پیریں ہیٹھ اے بھوئیں ترامے دی ٻلدی بھا تےٹُـردوں
ہَتھیں پتھر،پیٹ تے پتھر،سِر تے پتھر ڈھوندئیں
دِل تے پتھر رکھ تے بُکھے ٻال سُما تے ٹُـردوں
ہَتھیں ٻَدھ تے ٹوٹے ٻٹکے ، پـیر پُـراݨے پَـٹکے
تَتے واجھلوڑے جھل تے تریہہ بُھلا تے ٹُردوں
روندے ٻال رَہیندوں تھپ تے،بُکھ تے تریہہ دے ہوٹے
اپݨے ٻال وِندال تے ، اپݨے دِل رُوا تے ٹـُردوں
کَھٹیا وٹیا پورھا سارا ، ہِکو سـِر دا بارا
راتیں بار لہا تے سُمدوں ، فجـریں چا تے ٹُـردوں
سارا جیوݨ ساݙے راہیں پتھر روڑا رہ ڳئے
لوکیں کیتے ساڑ تے تَن کُوں راہ بݨا تے ٹُـردوں
ساݙا عشق وی پُھلیں وانگوں تتے تا توں ݙردے
سِک دے سیک بچا تے ٹُـردوں سِجھ لُـکا تے ٹُـردوں
 Add as favourites (4) |  Quote this article on your site
Only registered users can write comments.
Please login or register. |
Poetry 
