|
اَڄ اُوں روھی رنڳلی دے وِچ نَہـراں لائے ہِن دیرے
ہَرݨ چَرانداں چھوڑ ڳئے ہِن نظـر نئیں آندے پیرے
نہ اَڄـڑ نہ دھݨ ڳائیں دے نہ وَڳاں دے گھیرے
نہ لیلے نہ گابے توݙے نہ ہِن ٻک لویرے
نہ پِـیلھوں نہ ݙیلھےکُھمبیاں نہ شنگـراں دے سِہرے
نہ سِیٹوں نہ ٻـیر پھڳُوسی نہ چِبھـڑ چِتـریرے
نہ ہِن اَغـن چَنڈُور ٻَـٻِیہے نہ تِـتر نہ ڳیرے
سُک ڳئی کھار کھرولے روندن کرکر ویݨ اُچیرے
ـ ٹوبھے سُـکے جھوپڑ سُنڄـیں نہ چرکھے نہ ڈھیرے
لالُو نبلا جھوکاں پَٹ ڳئن آ ڳٗن پھجے مِہرے
شَـرماں کَـرماں روندٔن ہُݨ پئی جِـیرو پیـر دَگھیرے
راول،سمی دیاں رُوحاں کُوں پےپے ویندن گھیـرے
پِـیر فـرِید دی روھی دے وَل تَیں نئیں پاتے پھیرے
چادر تاݨ کے سُتا رہ ڳِئیں لُٹ ڳٗن مال لُٹیرے
ہُݨ وی وقت اے ہِمت کـرچا،کر گِھن بخت بھلیرے
پَل دے پـیـر سُنڄاݨ سَـفـیــرا،قول کُوں ٻدھ گِھن پَلّے
نئیں تاں آوݨ والیاں نَسلاں،کھاندیاں رَہسن کَھلے
 Add as favourites (12) |  Quote this article on your site
Only registered users can write comments.
Please login or register. |
Poetry 
