دَم دَم آ ل بَھن٘والیاں،ساکُوں آ ل بَھن٘والیاں

چئودھارُوں ہِک جن٘گل جھاترا،جن٘گل جھاترا

اَندری اَندر کھیݙدے آوِن چن٘در کِݨان٘ویں

کَھنب لا کے اَسمانی اُݙ پئے پیر اساݙے

اکِھیں ہویاں تار دِلاں دے ساگر سان٘ویں

ہووَݨ نال نہووَݨ دا کوئی جھیڑا کِینہاں

اَزل کنُوں اینویں میں وی ہامی تُوں وی ہانویں

تیݙے نان٘ویں اے سبھ دُنیا، ہاتھی گھوڑے

جنگل ٻیلے مِتر دِلیں دا، تیݙے نان٘ویں

چَندر چَڑھا کے وَت کوئی رات مراقبے والی

روشن تھئی اے دھن پِپلاں دی چھان٘ویں چھان٘ویں

Be first to comment this article

Only registered users can write comments.
Please login or register.