دَم دَم آ ل بَھن٘والیاں،ساکُوں آ ل بَھن٘والیاں

اپݨے ویہڑے اپݨے ناں دی وَنڈ سن٘بھالݨی

مُکھ سن٘بھالݨا، سائیں اپݨے دی کنڈ سن٘بھالݨی

چِݨکا چِݨکا سائیں اپݨے دا نام سمارݨا

اُٹھی سویلے ڳَل اپݨے دی گَھنڈ سن٘بھالݨی

ماء اپݨی دا بخت ہَنڈھانوݨا،بَھلے فقیرا

مُون٘جھ بَھری کوئی پَنڈ سن٘بھالݨی،پَنڈ سن٘بھالݨی

ـ ݙاوَݨ کپ کے پیراں اَڳوں، دول وَڄاوݨے

سِر اپݨے دی جَھنڈ سن٘بھالݨی، جَھنڈ سن٘بھالݨی

ـ ٻَلدے اپݨے ہَـتھ وِسماوݨے اَسماناں تئیں

ـ ڳوٹھ پڳوٹھ دی ݙَنڈ سن٘بھالݨی

Be first to comment this article

Only registered users can write comments.
Please login or register.