میں سُـݨـیـا ھا تیݙے در ساقی ، پئے مُفتی جام وَنݙِندن     ـ ڄیہڑے ھِک واری ڄو پی ڳئے ھِن،پئے نال اَرام دے جِیندن     تیݙے در تے آ معلوم تھیا ، پئے دولت والے پِـیـندن     جَیندے شــاکِــر کِھیسےخالی ھِن،پئے پیراں وِچ لَتـڑِیندن     §§§§§§§§§§§§§§§§§§§§§§§§§§§§§§§§§§§§§§§§

تیکُوں یاد ھوسی میں آ کھیا ھَم،دِلدار مِٹھا   تُوں چھوڑ ویسیں   وَل وَل قرآن تے ھَتھ نہ رکھ،نہ قسماں کھا   تُوں چھوڑ ویسیں   کُجھ سوچ سمجھ کے فیصلہ کر،نہ جوش ݙِکھا   تُوں چھوڑ ویسیں   کر شاکِر کوں برباد سَڄݨ ، ٻس لوک کِھلا   تُوں چھوڑ ویسیں   *************************

  کَل خواب ݙِٹھم ڄو مر ڳیا ھاں،جَگ سوگ منیندے رہ ڳئے     کوئی تیار جنازے میݙے دا ، اعلان کریندے رہ ڳئے     چَن آرُوں ویاروں ٹُر تاں پئے ، او قدم گِھلیندے رہ ڳئے     ـ ڳئے غــیر جنازہ چا شــاکِـــر،او پیر دُھویندے رہ ڳئے     ـــــــــــــــــــــــــــــــــــــــــ،،شاکِر،،ـــــــــــــــــــــــــــــــــــــــــــــــــ